Дээш очих

Гүүглийн чимээгүй туршилт

Гүүгл компани What do you love? буюу Та юунд дурлаж байна? гэсэн нэгэн өвөрмөц нэртэй томоохон цогц хайлтын системийг чимээгүйхэн туршиж байгаа бололтой. Энэхүү хайлтын систем нь бидний юунд дурлаж, юуг хүсч байгаа тэр юмыг бүх талаар нь (бичлэг, зураг, ном, судалгааны ажил гэх мэт) гүнзгийрүүлсэн хайлт хийж үр дүнг нь бидэнд харуулах зорилготой юм. Та үүнийг сонирхоё гэвэл http://www.wdyl.com/ энэ сайт руу дарж ороорой.
Үргэлжлүүлэх>>

НАТО кибер дайнд бэлдэж эхэллээ.

Интернет нь тулааны талбар болсон нь улам бүр тодорхой болох боллоо. Цэргийнхэн болон нууц албад кибер орон зайг эзлэн эвч эхэллээ. Хэн нь юуг хариуцах, аль хэр төсөв зарцуулах гээд далд тэмцэл ч өрнөөд эхэлж. Энэхүү тэмцлийг нэгэнт зогсоож чадахаа больсон гэж мэргэжилтнүүд үзэх болжээ.
“Дэлхийн хэмжээний дараагийн дайны эхний буудлага интернэтээр хийгдэх болно” гэж НАТО-гийн аюулгүй байдлын зөвлөх Рекс Хугес үзэж байна. Тэрээр кибер хамгаалалтаар мэргэжсэн хүн. Ийнхүү газар, агаар, далай тэнгис, сансар дээр кибер орон зай гэсэн байлдан эзэлж, хамгаалах ёстой тав дахь тулааны талбар гарч ирлээ. АНУ виртуал довтолгоог бөмбөг пуужингийн довтолгоонтой адилтган үүнийг цэргийн дайралт гэж үзэн мөн цэрэг зэвсгийн хүчээр хариу үзүүлэх бодлого барих боллоо.
2010 онд Ираны уран боловсруулах төхөөрөмжийг ашиглалтаас гаргаж дөнгөсөн Stuxnet бол кибер зэвсгийг хэрхэн цэргийн зориулалтаар ашиглаж болох тухай жишээ юм. "Stuxnet нь төрийн оролцоогүйгээр бүтээх боломжгүй зүйл. Израйль улс үүнийг бүтээсэн нь ойлгомжтой” гэж Рекс Хугес үзэж байгаа ба тэрээр мөн Их Британийн дипломатуудын Chatham House Think-Tank гишүүн юм.

Дэлхий нийтээрээ нэг их анхаараагүй л болохоос бус 2007 онд томоохон кибер сөргөлдөөн гарах шахсан. Таллин хотын төвд байсан Зөвлөлтийн цэргийн хөшөөг нэгэн цэргийн оршуулгын газар шилжүүлсний дараахан Эстонын банк, намууд, хэвлэл мэдээлэл болон засгийн газрын сайтууд DDoS (Distributed Denial of Service) довтолгоонд өртөн хаагдацгаасан билээ. Эстонын засгийн газар НАТО-гоос туслалцаа хүссэн боловч яаж ч чадаагүй юм. Оросын засгийн газар энэхүү хакердах үйл ажиллагааны ард байгаа гэж таамагласан боловч нотолж чадаагүй. Үүнээс л эхлэн кибер хамгаалалт нь тун олон орны хувьд хамгийн чухал асуудал болон хувирсан.

Эстонын довтолгооны дараагаас НАТО Кибер хамгаалалтын хамтарсан төв (CCD COE) байгуулах ажлаа эрчимжүүлжээ. Төсөв батлагдан, батлан хамгаалалтын төлөвлөлтүүд хийгдэх болжээ. НАТО кибер дайны тусгай штаб хараахан байгуулаагүй. Энэ нь кибер довтолгооны стратеги боловсруулаагүй байгаатай холбоотой ажээ. "Довтлохгүйгээр хамгаална гэж байхгүй, тиймээс энэ бол буруу хандлага” гэж Рекс Хугес үзэж байна. Урьд нь хакерчин байсан, одоо Интернетийн удирдлагын Icann –ы аюулгүйн албаны тэргүүн, АНУ-ын Үндэсний аюулгүй байдлын газрын зөвлөх Жефф Мосс үүнийг "Өөрийн хамгаалалтаа өргөжүүлэхийн тулд өөрсдөө хамгийн сүүлийн үеийн довтолгооны арга техникийг хөгжүүлэх ёстой” гэж тайлбарлаж байна. Ингэж байж л дайснаа довтлохоос өрсөн эмзэг цэгээ олж тогтоон аюулгүй болгох арга хэмжээ авч чадах юм. Ер нь бол довтолгооны шинэлэг аргуудыг хурдан хэрэгжүүлэх боломжтой ба довтолгоо нь кибер орон зай дахь хамгаалалтын хамгийн сайн арга байсаар байх болно.

АНУ-д бол бүр нэг алхам урагшилжээ. Кибер дайны аюулын сургуулилт байгууллагуудын түвшинд хийгдэж одоо бол хэн юу хариуцахаа л шийдэж байгаа ажээ. Гэхдээ Үндэсний аюулгүй байдлын газар болон Тагнуулын төв газруудын эрх ашиг зөрчилддөг байна. Тагнуулын байгууллагууд илэрсэн дутагдлыг шууд засах гэхээсээ илүүтэй түүнийг ашиглан хэн довтлохыг хүлээж, магадгүй тагнуул ч илрүүлэх боломжтой гэж үздэг. Улс бүр л бэлтгэлтэй байхыг хичээж байгаа ба энд мөн эрх мэдэл, мөнгөний асуудал орооцолдсон.

Оргүй хоосноос аймшигт довтолгоо хийгдэн ялагдал хүлээхээс айх айдас тун их. “Эзэнт гүрэн 19-р зуунд дэлхийн далай тэнгисийг эрхшээж байсныхаа адилаар 21-р зуунд виртуэл ертөнцийг ч хянах ёстой” гэж Их Британийн ерөнхий сайд асан Гордон Браун мэдэгдэж байв. АНУ-ын ерөнхийлөгч Клинтоны аюулгүйн зөвлөх асан Ричард Кларке "World Wide War" номондоо ойртон буй аюулын талаар Хакерууд АНУ-ын цахилгааны сүлжээг довтолж ингэснээр тээвэр, эдийн засаг, дэд бүтцийг сүйрүүлж улмаар өлсгөлөн гарч, цэргийнхэн хамгаалатгүй болоход хүрнэ гэж бичжээ. Арай ч ийм хар зүйл болохгүй гэж Жефф Мосс үзээд “Бид одоогоор кибер орон зайд хүйтэн дайны байдалтай байна. Улс орнууд бие биенээ туршиж тандсаар байна” гэжээ.
Улс орнууд одоогоор аюулгүйн сул цэгүүдээ шалгаж, бусад орнуудын кибер стратегийн талаар мэдээлэл цуглуулж байгаа. Ердөө л сонгодог тагнуулын ажил. Довтолгоог эхлүүлсэн бүхэнд нэг л зүйл ойлгомжтой байх ёстой. Пуужингаар байна уу виртуэл довтолгоогоор байна уу хэн ч байсан цэргийн эсрэг цохилтонд өртөнө. АНУ ч ингэж анхааруулж байгаа. Цөмийн зэвсэг хориглох тухай 1970 оны гэрээний адилаар кибер довтолгоог хориглох гэрээ байгуулах ёстой гэж Рекс Хугес зөвлөжээ. Техникийн дэвшилтэй зэрэг алхахын тулд тусгайлан томъёолсон дипломат гэрээ байгуулах хэрэгтэй болж байна.


Мөргөлдөөн гарсан үед ямар арга хэмжээ авах, юуг хорих тухай гээд. Гэрээ байгуулах нэг хэрэг боловч түүнийг биелүүлэх нь бүр ч ноцтой. Гэрээг зөрчих үзэгдэл урьд нь ч гарч л байсан одоо ч гарахгүй гэх баталгаагүй.
Эх сурвалж: Цаг төр.МН
Үргэлжлүүлэх>>

Их Британы Нэгдсэн Вант Улсын 150 домэйн(co.uk) нэрийг Bl@ckZero хакерын бүлэг хакердсан байна.

This summary is not available. Please click here to view the post.
Үргэлжлүүлэх>>

Фэйсбүүк 750 сая хэрэглэгчтэй боллоо.

Фэйсбүүк компани нь 2004 оны 2 сарын 1 нээс эхлэх үйл ажиллагаагаа явуулж эхэлсэн. Өдрөөс өдөрт фэйсбүүк хэрэглэгчид хэдэн мянгаар өссөөр байгаа билээ.
Харин өнөөдөр фэйсбүүк нь албан бус тоогоор дэлхий дахинд хамгийн их хэрэглэгчтэй сайт буюу 750 сая гишүүнтэй болоод байна. Энэ тоо цаашид ч өсөх хандлагатай байгаа юм. Гэхдээ фэйсбүүкийнхэн одоогоор энэ тухайд ямар нэгэн мэдэгдэл хийгээгүй. Магадгүй тэд нэг мөсөн 1 тэрбум гишүүнтэй болсон хойно томоохон сюрприз барих байх.

Ойролцоогоор 1 жилийн өмнө фэйсбүүкт бүртгүүлсэн хэрэглэгчдийн тоо 500 сая орчим болж байсан. Харин 2011 оны нэгдүгээр сард энэ тоо 100 саяар нэмэгдэн 600 сая орчим болж өсчээ. Inside Facebook сайтын судалгаагаар 2011 оны 6 сарын эхээр 687 сая орчим хэрэглэгчтэй болж байсан байна.
Үргэлжлүүлэх>>

CNN-ы веб хуудаснаас хакерууд олон алдаа илрүүлжээ.

CNN бол онлайн мэдээ мэдээллийг хүргэдэг дэлхийн томоохон сайтуудын нэг гэдэгтэй хэн ч маргахгүй. АНУ-ын Атланта, Жиоржиад төвтэй CNN.com сайт нь дэлхийн өнцөг булан бүрт байрлалтай ба дэлхий даяар 4000 гаруй мэргэжлийн сэтгүүлчид долоо хоног , 24 цагийн туршид тасралтгүй түүнд мэдээ мэдээллээ нийтэлж байдаг. Сүүлийн үед мэдээлэл технологийн мэдээнүүдийг дүрс, дуут хэлбэрээр шууд түгээн газар дээрээс нь шууд дамжуулдаг болсон. Энэ сайт нь өдөр өдөрт, цаг бүр шинэчлэл хийсээр байгаа.
Харин өнөөдөр компьютерын нууцлал, хамгаалалтын талаар мэдээллэдэг нэгэн сайтанд гарсан мэдээнд дэлхийн мэдээний томоохон сайт болох CNN портал сайт нь нилээн олон SQL Injection алдаатай гэдгийг "Sec Indi" нэртэй хакер илрүүлсэн тухай гарчээ. Тэрээр хэлэхдээ: "Тиймээ, CNN бол алдаатай, мөн хамгаалалтгүй сайт. Түүнээс Multiple SQL Injection байнга илэрдэг" хэмээн хэлжээ.

SQL Injection илэрсэн холбоосууд:
1.) http://goo.gl/iRooZ

2.) http://goo.gl/VYnfI
3.) Мөн сая дахин нэг томоохон алдаа гарсан байна.
Энэхүү SQL Injection илрүүлэлт нь Sony компани хакердуулсантай төстэй байгаа гэнэ. Мөн тэрээр хэлэхдээ энэ алдааг би 2-3 удаа CNN.com сайтын админд мэдэгдсэн боловч алдаагаа засахгүй хэвээр байгаа гэсэн байна.
Үргэлжлүүлэх>>

Цахим шуудангийн түүх (40 жилийн ой)

Энэ жил цахим шуудан(electron mail) үүссэний 40 жилийн ой тохиож байна. 1971 онд компьютерын инженер Рэй Томлинсон /Ray Tomlinson/ цахим шууданг(email) бүтээж хоорондоо зайтай компьютерүүдийн хооронд компьютерын сүлжээ ашиглан мессеж (файл шиг) явуулах(SNDMSG) боломжийг бий болгосон. Рэй Томлинсон @ тэмдгийг цахим хаягны формат болгож одоо бид тэнгис далай алгасан “захиа” явуулж хүлээн авсаар байгаа билээ.
Өдгөө бидний амьдралд нэвтрээд 40 жилийг ардаа үджээ. Одоо та бүхэнд цахим шуудангийн товч түүхийг харуулсан инфографийг сонирхуулъя.

Үргэлжлүүлэх>>

Ханийн цаасны зураг( Байгаль ) цуврал: 1-р хэсэг

Үргэлжлүүлэх>>